O exministro e actual presidente de honra do PPdeG, José Manuel Romay Beccaría, pechará a lista da candidatura popular á alcaldía da Coruña, segundo informa esta formación.
Nun comunicado, a cabeza de lista e actual portavoz do grupo municipal do PP, Miguel Lorenzo, afirma que é “unha honra” que Beccaría peche a candidatura. “É unha mostra máis de xenerosidade que quen foi un número uno en toda a súa traxectoria acepte ir no posto 27 da candidatura”, destaca.
Romay Beccaría foi presidente do Consello de Estado en dúas ocasións; ministro de Sanidade e Consumo; vicepresidente da Xunta de Galicia; conselleiro de Sanidade e de Agricultura; presidente da Deputación coruñesa; senador e deputado, ademais de ocupar diversos cargos de responsabilidade no Partido Popular.
A deputada no Congreso Valentina Martínez, vicesecretaria Económica e Xurídica do PP Local, ocupa o posto número 26, mentres que o presidente de Novas Xeracións, Rafael Penide, tamén figura na candidatura de Miguel Lorenzo, que esta mesma semana anunciou o primeiros catorce postos. Nos seguintes figuran varios presidentes de comités de Barrio do PP local, así como a xefa territorial da Consellería de Sanidade, Cristina Pérez, entre outros.
