Saír dos círculos é un dos grandes perigos no camiño da reinserción. A realidade que se vive nas prisións do país sinala que hai colectivos moi concretos de persoas que medran en microsociedades nas que se naturaliza o delito, a delinciencia, mesmo a prisión.

E para saír de aí, o último paso é crucial. Unha vez que as persoas internas ten pasado a primeira parte da condena en medio pechado (no caso da Coruña na prisión de Teixeiro), cunha vida tremendamente dirixida; a persoa interna afronta o último tercio da condena en medio aberto (no CIS ou Centro de Inserción Social da Coruña), coa posibilidade de ver a vida real. E nese proceso, volver aos círculos que te levaron a delinquir provoca unha alta porcentaxe de reincidencia, o gran cabalo de batalla do sistema penitenciario.

Xa nolo contaban as técnicas da Fundación Érguete: “Ata que o sistema penintenciario non saia á rúa, non haberá unha reinserción real”. E nesa liña a entidade traballa, desta volta, man a man co alumnado da UDC, para ensinarlles que existe outra vida, outras alternativas de lecer, de ocio, de divertimento… sen ter que caer no mesmo de sempre.

Esta semana, a Fundación Érguete acompañou a unha serie de usuari@s do CIS ata o campus de Elviña, para participar nunha actividade de ocio saudable co alumnado de Educación Social da Universidade da Coruña, no marco do Programa Itínere.

Da colaboración que se iniciou no primeiro cuatrimestre, no marco da proposta de Aprendizaxe e Servizo da Rede Acampa 2023 “Odio e Convivencia”, coa exploración dos “Discursos de odio a través da cartografía corporal” nace unha nova actividade organizada por alumnado da materia “Recursos e estratexias para a intervención no tempo libre” do grao de Educación Social.
A actividade concretouse nunha yinkana con diferentes actividades que incluían mímica, música, quebracabezas e ata xogos de adiviñas. O entorno ao aire libre axudou a xerar un ambiente propicio para disfrutar dunha tarde chea de humor e deixar en evidencia alternativas dun ocio san e máis beneficioso para as persoas usuarias.

“Unha vez máis somos conscientes da importancia de utilizar os recursos que nos brinda a comunidade, neste caso a Universidade, co obxectivo de que os aprendizaxes sean bidireccionais e aporten a todas as persoas implicadas nos procesos. Dende a entidade están encantados e desexando poder repetir a experiencia”, explican dende a Fundación.

MÁIS NOVAS

• A FUNDACIÓN ÉRGUETE RECIBE O PREMIO DE BOAS PRÁCTICAS DA UNAD CONVERTINDO USUARIOS CON ADICCIÓNS EN AXENTES DE SAÚDE
• As usuarias da Fundación Érguete en réxime de semiliberdade falan das súas metas polo 8M.
• Fundación Érguete: “Ata que o sistema penintenciario non saia á rúa, non haberá unha reinserción real”.