Quevedo actuará no Coliseum da Coruña o vindeiro venres, 27 de outubro, segundo informa o consistorio que precisa que as entradas sairán á venda o 9 de maio.

O artista fará a súa parada na cidade dentro da súa xira ‘DQE Tour’, na que presentará o seu primeiro traballo de longa duración, Donde quiero estar.

Con apenas dous anos de carreira, o seu traballo está influenciado pola cultura musical de Gran Canaria, os ritmos latinos e o hip-hop, ademais de contar con diversas colaboracións.