O complexo hospitalario universitario da Coruña (Chuac) contará cun manual de boas prácticas de humanización en lesión medular, segundo expuxo o conselleiro de Sanidade, Julio García Comesaña, nunha xornada sobre esta cuestión. “A unidade vai adherirse ao plan nacional”, expuxo o conselleiro, quen asegurou que se trata dun manual que recolle “máis de 145 liñas de boas prácticas”.
Na xornada, Comesaña destacou que o plan de humanización na atención a lesionados medulares da área sanitaria da Coruña e Cee é o resultado da dedicación dos profesionais. Sobre o primeiro manual, resaltou o feito de que entre os seus autores e coordinadores atópanse profesionais do centro sanitario coruñés.
Antes deste encontro, o conselleiro de Sanidade inaugurou en Santiago de Compostela o décimo congreso CEL de Loxística Sanitaria, no que se abordaron as últimas novidades na xestión da cadea de subministración no ámbito sanitario. Trátase dun encontro de profesionais de loxística sanitaria procedentes de toda España.
