O Museo Casares Quiroga (podes realizar aquí unha visita virutal ao museo) acolle ata o día 28 de maio o II Salón de Primavera da Asociación de Artistas coa que lle rende unha homenaxe a Picasso a través dunha exposición que reúne obras de 27 autores diferentes.

Nela, recóllese unha gran variedade de estilos e técnicas que conviven no propio seo da asociación promotora da exposición, que organiza en colaboración coa área de Cultura do Concello.

Con esta mostra, a Asociación de Artistas réndelle, ademais, homenaxe a Pablo Ruiz Picasso. Poderanse ver óleos, acrílicos e traballos en carbón dentro das diferentes obras que se exporán.