A Garda Civil do Posto Principal de Oleiros detivo a unha veciña de Culleredo como presunta autora de cinco delitos continuados de furto en domicilios. Os feitos ocorreron por mor da denuncia interposta en xaneiro de 2022 nas dependencias oficiais por un veciño no que manifestaba sospeitas da traballadora de fogar ao botar de menos determinados aveños.

A Garda Civil iniciou unha operación denominada ‘Pantinazo’ para elesclarecimiento destes feitos delituosos. Tras a investigación, constátase que moitas das vítimas non detectaran a falta dos seus aveños, xa que a traballadora realizaba pequenas vendas dos obxectos nun período longo no tempo.

Estas vendas realizábaas en establecementos de segunda man, entre os que se atopaban máis de 130 pezas de ouro (reloxos, cadeas, aneis, etc.), numerosas pezas de gran valor de firmas recoñecidas, aparellos electrónicos (videoconsolas, tabletas electrónicas, auriculares inalámbricos, teléfonos móbiles, etc.), roupa de marca e diñeiro en efectivo.

A Garda Civil procedeu á detención desta persoa como presunta autora de cinco delitos continuados de furto en domicilios por un valor superior aos 90.000 euros, non descartando que puidese haber máis vítimas que non detectasen a subtracción das súas pertenzas.

As actuacións realizadas foron postas a disposición do Xulgado de Instrución de garda da Coruña