O tren entre Vigo e A Coruña con saída ás 8,00 horas sufriu unha “incidencia técnica puntual” que obrigou ao transbordo de pasaxeiros en Pontevedra, co consecuente atraso na viaxe dunha media hora.
Segundo informan fontes de Renfe a Europa Press, este tren tivo que volver a Vigo tras chegar a Pontevedra, polo que outro convoi foi o encargado de levar aos viaxeiros ata a cidade herculina.
En relación con esta avaría, viaxeiros queixáronse a través de redes sociais de falta de información sobre o sucedido e criticaron un novo novo atraso nesta liña.
