Melendi, Morade e Carlos Sadness únense ao cartel da segunda edición da Morriña Fest na Coruña, que se celebrará o 28 e o 29 de xullo, segundo informa o consistorio. O evento, que conta coa colaboración do Concello e o Consorcio de Turismo, presentará nos próximos días o seu cartel por días e porá á venda as entradas para cada unha das xornadas.
A Morriña Fest chega este ano aos peiraos de Calvo Sotelo e Batería tras o seu paso polo estadio municipal de Riazor, onde asistiron máis de 50.000 persoas. As novas incorporacións acompañarán a Nicky Jam, Jason Derulo, Bizarrap ou Two Door Cinema Club. A venda de abonos para as dúas xornadas do festival continúa aberta e xa se superou o 75% da capacidade do recinto.
