O fiscal xeral do Estado, Álvaro García Ortiz, preside este luns e o martes a reunión das xefaturas de Área das fiscalías de España no Pazo de Mariñán, en Bergondo, un encontro no que se aborda a unidade de actuación.

Segundo informa Fiscalía, o encontro é o primeiro que fai o fiscal xeral cos e os fiscais xefes e xefas de Área, tras as reunións celebradas con fiscais superiores (tamén en Mariñán) e fiscais xefes provinciais (en Salamanca).

A xunta inaugurouse este luns por parte do fiscal xeral do Estado, Álvaro García Ortiz, e o fiscal superior de Galicia, Fernando Suanzes, e nel abórdanse cuestións vinculadas a esta estrutura do Ministerio Fiscal de cara a adaptarse ás particularidades territoriais.

Na reunión, profundarán nos criterios que en diferentes ámbitos conforman o principio de unidade de actuación do Ministerio Fiscal. Por exemplo, indica Fiscalía, entre territorios coa aplicación da circular de dilixencias de investigación ou cos órganos centrais como son a Inspección, a Secretaría Técnica e a Unidade de apoio, cuxos fiscais de Sala tamén se desprazaron a Mariñán.