As dúas enquisas publicadas ata o momento, a de Sondaxe para La Voz de Galicia e a de GAD3 para CRTVG, apuntan que Inés Rey seguirá de alcaldesa. O PPdeG subiría levemente e o BNG duplicaría resultados. A Marea baixaría es está por ver que pasa con Por Coruña.
A da CRTVG indica que os populares serían os máis votados na Coruña, con 11 edís, pero a socialista Inés Rey podería reter a alcaldía porque obtería 10 concelleiros, que poderían sumar o apoio dos 4 edís do BNG, mentres que Marea Atlántica quedaría con dous asentos en María Pita. Esta enquisa non lle dá ningún concelleiro a Por Coruña.
Pola súa banda, a enquisa de La Vox indica que o PSdeG tería dez actas, igual que o PPdeG. O BNG consegue duplicar a súa representación e pasaría a contar con catro membros no pleno. A escisión de Marea Atlántica, Por Coruña, entraría no pleno cun concelleiro, mentres a candidatura da Marea, que encabeza Xan Xove, perde catro concelleiros e quedaría con só dous.
