O vindeiro sábado 3 de xuño, dous especialistas en medicinasubacuática, Salvador Fojón e Carlos García-Ramos, partirán desde A Coruña cara a Senegal para formar a pescadores locais na prevención de riscos laborais relacionados coa práctica do mergullo.
Os especialistas galegos pertencen á ONG Solidariedade Galega que, en colaboración con Ecodesarrollo Gaia, realizan este ano latercera edición deste proxecto.
Segundo trasladou a entidade, impartirán na localidade pesqueira de Yoff-Tonghor un curso presencial interactivo que estará apoiado en material audiovisual e textos didácticos. O obxectivo é mellorar as condicións de saúde dos mergulladores, instruíndoos nas medidas de prevención de riscos vinculados ao mergullo en apnea e con escafandra autónoma.
Prevese que á formación que impartirán este ano Fojón e García-Ramos acudan ao redor de 30 representantes das distintas confrarías de pescadores que hai na zona, quen despois trasladarán os coñecementos adquiridos ao resto dos seus compañeiros.
