O Concello da Coruña amplía este verán os percorridos guiados polo Castro de Elviña. Así, a partir deste fin de semana e ata finais do mes de setembro, será posible visitalo todos os sábados e domingos, ás 12,00 horas.
O consistorio amplía, desta forma, os horarios dispoñibles para participar nos percorridos guiados polo xacemento arqueolóxico, unha actividade promovida a través dos Museos Históricos da Coruña.
Para asistir ás visitas é necesario facer reserva previa. Os percorridos son en grupos e disporanse un total de 25 prazas por quenda. A inscrición pode realizarse a través do Museo Arqueolóxico do Castelo de San Antón.
