A Coruña acollerá entre o 10 e 15 de xullo unha nova edición do Festival Internacional +QJazz. A gran novidade será a inclusión dunha actuación gratuíta de Sharrie Williams Band, o 11 de xullo, na praza de Azcárraga.
O conselleiro delegado do IMCE, Gonzalo Castro, presentou no Palacio Municipal de María Pita a programación da novena edición, que se desenvolverá en salas e auditorios da cidade.
O ciclo albergará as grandes figuras do panorama jazzístico internacional, nacional e autonómico nunha sucesión de concertos que comezarán coa actuación de Yellowjackets o luns 10 de xullo no Teatro Colón, onde conmemorarán o seu 50 aniversario como formación.
