CIG-Saúde denunciou o “caos absoluto” no que se desenvolven as obras de ampliación da unidade de farmacia do complexo hospitalario universitario da Coruña (Chuac), á vez que considera que esta remodelación non responde as necesidades do servizo.

A central sindical sostén, nun comunicado, que se comprou equipamento “que non se pode utilizar por falta de espazo” e que non se adoptaron medidas de prevención “básicas para garantir a saúde das persoas traballadoras e a integridade dos propios fármacos”.

Pola súa banda, a xerencia da área sanitaria da Coruña e Cee, en declaracións a Europa Press, pediu desculpas polas molestias ocasionadas e engadiu que as obras “sempre producen trastornos”.

“Seguiremos esforzándonos para que estas non impidan o uso correcto das máquinas e, por suposto, non poña en risco a saúde dos traballadores”, recalcou. Tamén comunicou que “esta mesma semana darase cumprida información aos delegados de prevención de riscos laborais”.

E é que o sindicato, ademais de denunciar problemas pola compra de novos equipamentos “sen calcular o espazo dispoñible”, afirma que a información á representación social foi “nula”.