O CIAE 112 Galicia tamén informou doutra intervención a pasada madrugada. Sobre as 2,20 horas o servizo de Emerxencias recibiu un aviso dun home, que alertaba de que unha amiga súa meteuse no mar na praia de Riazor, á altura dunha zona de discotecas onde estaban de marcha.

O 112 pediu a intervención de Urxencias Sanitarias-061, de Salvamento Marítimo, de Gardacostas, Bombeiros da Coruña, Policía Local e Nacional, e Protección Civil.

Dous particulares que se achaban na zona puideron sacar da auga á muller, que foi atendida no lugar por persoal sanitario e logo trasladada en ambulancia ao Complexo Hospitalario Universitario da Coruña.