Javier Gestal foi reelixido alcalde de Carral. O candidato de Alternativa dos Veciños foi investido tras conseguir 7 votos do seu grupo.

Ao pleno tamén concorreron o candidato do PP de Carral, José Luis Fernández Mouriño, e a candidata do PSOE, Patricia Blanco.

Durante a súa intervención, Gestal agradeceu a confianza dos veciños, que “avalaron o traballo que realizamos, nos últimos catro anos, diante do Concello”. O primeiro edil salientou o “enorme esforzo que temos que facer para sanear as contas do Concello e que, agora, nos permitirá realizar importantes obras para os nosos veciños”.