De heroes en 2020 a escravos en 2023. Así se ven os traballador@s das ambulancias do país, que este 6 de xullo arrincaron unha folga que continuará mañá 7, asi como os 19, 20 e 21 deste mesmo mes.
Unha folga na que critican que tanto a patronal concesionaria como a Xunta-Sergas e a FEGAM (Federación Galega de Ambulancias) non fan nada pola reactivación do convenio. Dende os sindicatos da CIG, CCOO, USO e UGT sinalan que o aumento de carga de traballo foi “brutal nestes anos”, nunhas empresas onde o persoal te que facer horas extras (mal pagadas ou sen cobrar) todos os meses, sen descansos e vacacións regulamentarias, onde falta persoa, sen protocolos de desinfección dos uniformes (“poñendo en risco a saúde”).
Critican ademais os medios: “servizo: ambulancias deterioradas, ambulancias e bases se limpeza e desinfeccións adecuadas, falta material para realizar dignamente a nosa función e térmolo que coller nos hospitais porque, en moitos casos, as empresas non o teñen”.
Así se manifestaban esta mañá as profesionais das Ambulancias.@EAmbulancias pic.twitter.com/xUHNX7gUqf
— Xornal da Coruña (@xornaldacoruna) July 6, 2023
”Non só loitamos polos nosos dereitos, senón polos de todas as persoas que nalgún momento teñan que empregar un elemento básico no sistema sanitario como son as ambulancias”, sinalan.
