A Garda Civil do Posto Principal de Arteixo detivo a un veciño da Coruña como presunto autor dun delito de tráfico de drogas, outro de resistencia e desobediencia a axentes da autoridade e outro contra a Seguridade do Tráfico por conducir sen dispor do permiso de conducir en vigor.

Unha patrulla atopábase de servizo na demarcación e observaba como o agora detido circulaba cun vehículo por unha das rúas. Coñecedores de que carecía de permiso de conducir en vigor, procederon a darlle o alto e deuse á fuga.

Nese momento, os axentes iniciaron unha persecución con sinais acústicos para que se detivese. Finalmente, foi interceptado no Camiño de Groufa de Arteixo.

Así, procedeuse á identificación do detido, comprobando que non dispuña de permiso de conducir en vigor. “Debido ao nerviosismo que mostraba”, sinala a Garda Civil, procederon a un cacheo superficial no que atoparon unha bolsa pequena que contiña unha sustancia que supostamente podería ser cocaína e 70 euros en billetes. Realizado a pesada da sustancia arroxou unha papelina de 22,24 gramos e outras dúas papelinas con 1.072 gramos.

Por estes feitos A Garda Civil procedeu á súa detención e foi posto a disposición xudicial do Xulgado de Garda da Coruña.