Por outra banda, o Concello da Coruña, en Xunta de Goberno local, concedeu a licenza para os traballos de rehabilitación da sede da Real Academia Galega e o museo Emilia Pardo Bazán.

O proxecto de reestruturación parcial presentado para o edificio situado no número 11 de rúa Tabernas, na Cidade Vella, indica un prazo de execución máximo de 22 meses e un orzamento de 2,1 millóns de euros.

O inmoble, un pazo urbano con escudo señorial que foi entregado á RAG pola familia Emilia Pardo Bazán, ten a fachada de cantaría. A intervención prevista, segundo informa o consistorio, contempla traballos de conservación e restauración de fachadas, galerías e carpintarías. Ademais, acometerá a renovación da cuberta de zinc; a recuperación do patio orixinal; e a instalación dun ascensor para facilitar a accesibilidade no interior do edificio.