O home de 88 anos ferido moi grave na explosión de gas no seu piso en Ordes segue ingresado no complexo hospitalario universitario da Coruña (CHUAC) en estado estable, segundo informaron fontes hospitalarias este luns.

En concreto, mantense sen cambios, ingresado na Unidade de Queimados do CHUAC e cun prognóstico moi grave, apuntaron as mesmas fontes.

No caso do home de 68 anos trasladado ao Hospital Clínico de Santiago (CHUS), a súa evolución é favorable e atópase xa en planta tras estar ingresado na UCI.

Como resultado da explosión de gas, ocorrida o pasado dia 26, resultaron feridas catro persoas, unha delas unha menor que foi dada de alta no lugar e outra cuarta persoa que foi atendida nun centro sanitario de Ordes.

O home ingresado no CHUAC é a persoa que vivía no piso onde se rexistrou a explosión, que provocou, ademais de danos persoais, materiais, entre eles na cafetaría situada debaixo do inmoble.