Un autobús de viaxeiros quedou encaixado este luns no túnel de María Pita, o que obrigou ao seu peche ata reparar os danos, segundo informou a Policía Local.

En concreto, explicaron que, a pesar de existir un gálibo que o impedía, o autobús, de servizo discrecional, entrou pola avenida do Porto para ir en dirección ás Atochas, a pesar de non poder.

Os feitos producíronse pouco antes do dez da mañá. Posteriormente, logrouse sacar ao vehículo aínda que o túnel segue pechado á espera de reparar os danos.