Axentes da Policía Autonómica de Santiago, xunto ao Servizo de Gardacostas de Galicia e a confraría de pescadores da Coruña, comisaron o pasado 13 de xullo 15 quilos de percebes e unha embarcación no marcado dun operativo de loita contra o furtivismo no litoral da cidade herculina.
Segundo informan nun comunicado, o operativo activouse tras ter coñecemento da existencia de persoas dedicadas á extracción de percebe ilegalmente e fraudulento coa axuda dunha embarcación. Os labores de vixilancia, explican, permitiron detectar un grupo de catro persoas que se desprazaban nunha embarcación non apta para o marisqueo á boia ao longo da costa coruñesa para actuar, sobre todo, nas illas de San Pedro e no porto exterior, sen discriminar molusco adulto de cría.
Tras interceptarse, comprobouse que se trataba de persoas reincidentes neste tipo de asuntos e que mesmo una delas tiña en vigor unha condena e inhabilitación especial para mariscar. Así as cousas, catro persoas foron investigadas por un delito contra a flora e a fauna e por un quebrantamento de condena. Os percebes comisados entregáronse nun centro benéfico da Coruña e a embarcación pasou a disposición xudicial.
