Un total de 14 establecementos, institucións e empresas turísticas recibiron hoxe os primeiros selos de calidade turística Sicted para o Destino A Coruña.

A cidade comeza así a implantación do Sistema Integral de Calidade Turística Española en Destinos (Sicted), que depende da Secretaría de Estado para o Turismo. Trátase dun proceso ao que poden unirse máis establecementos e empresas que poden optar ao selo tras pasar unha formación específica e cumprir cuns requisitos de calidade turística.

“Trátase dun paso máis no camiño de mellora do turismo na nosa cidade, unha cidade disposta sempre a recibir aos visitantes, unha cidade acolledora e cun sector turístico do que estamos moi orgullosos”, sentenciou a alcaldesa, Inés Rey, na entrega de distincións.