Fermoso ambiente deportivo o vivido esta fin de semana na cidade da Coruña, xa situada como referencia albergando eventos deportivos de alto nivel.
Se as pasadas semanas xa tivemos probas nacionais e internacionais de salvamento e socorrismo, de halterofilia ou de trialtón, esta tocou poñernos a ikurriña e disfrutar das traíñas e da pelota vasca coa celebración do Trofeo Teresa Herrera de Traiñeiras e o Gran Premio Internacional de Pelota Cidade da Coruña, así como do remate do Campionato Galego de Volei Praia.
O Teresa Herrera conta 37 edicións ás costas, mentres que foi a estrea do Gran Premio de Pelota, no que competiron os mellores deportistas do mundo desta disciplina.
Por unha banda, no Teresa Herrera de Traiñeiras, esta foi unha fin de semana moi intensa e cun final moi axustado. Na categoría masculina, correspondente co XXXVII trofeo e XV bandeira, o Club de Remo Ares (20,35 minutos) fíxose coa vitoria por unha diferenza de 7 segundos. O Club de Remo Chapela quedou en segunda posición e non puido aspirar ao doblete, xa que na categoría feminina foron campioas (24,30 minutos) por ampla vantaxe sobre o Club de Remo Rianxo.
Por outra banda, no I Gran Premio Internacional de Pelota Cidade da Coruña os gañadores foron Dani Berrogui e Álvaro Medina na categoria de paleta de coiro; e Rubén Ayarra e Imanol Ibáñez na modalidade de paleta curta.
🏏 Despois de tres días de competición, o I Gran Premio Internacional Cidade da Coruña de pelota chegou hoxe ao seu fin.
📸 O evento, celebrado no Frontón Curto da Cidade Deportiva da Torre deixounos as seguintes imaxes. pic.twitter.com/FLyQhQuJvA
— A Coruña Deportes (@coruna_deportes) August 20, 2023
Volei Praia
Gran atención acollu tamén o Campionato Galego de Volei praia Sénior nas vistosas pistas do areal de Riazor, enfronte do hotel homónimo
🔚 🏆Remata o Campionato Galego Sénior!
👏🏐 Grazas @coruna_deportes! Ata o ano que ven!@vichycatalan pic.twitter.com/T1YB84R60M
— Federación Galega de Voleibol (@VoleiGalego) August 20, 2023
