O Concello da Coruña reforzará o dispositivo de prevención e seguridade de face á Tall Ships Races, habilitando un punto violeta na contorna do Palacio de Congresos e Exposicións (Palexco). O punto violeta, que estará atendido por unha dotación de tres persoas, estará operativo tanto o venres 25 como o sábado 26, en horario continuo de 19.30 a 00.30 horas.

Mentres, os veleiros, que saíron desde Falmouth (Reino Unido) en dirección á Coruña, van polo seu terceiro día completo de navegación, en paralelo ao sector oeste do golfo de Biscaia. Haberá tamén no dispositivo efectivos da Policía Local, Protección Civil, Bombeiros e atención sanitaria, á espera da chegada dos veleiros.