O Concello da Coruña organizou distintas actividades abertas ao público pola regata Tall Ships Races, con concertos, xogos infantís e sesións gastronómicas.

E é que este xoves, día 24, segundo informa, comezará a estancia na Coruña dos doce grandes veleiros que toman parte na Tall Ships Races Magallanes-Elcano, unha regata de categoría mundial que volve á cidade sete anos despois.

Entre o xoves 24 e o sábado 26, no peirao de Transatlánticos, actuarán agrupacións como Xacarandaina, Donaire, a Cuarentuna da Coruña, a Asociación Coros e Danzas Eidos, Os Gaiteiriños e o Orfeón Herculino.

Ademais, desde mañá e ata o domingo 27, o paseo do Parrote acollerá a realización do festival de food-trucks. O día 25 haberá un desfile por parte dos tripulantes dos veleiros.