O patrulleiro de altura ‘Atalaya’, baixo o mando do capitán de corveta Ramón José de Leste de León, recalará este xoves, día 24, no porto comercial da Coruña.

O buque, que chega con motivo da Tall Ship Races 2023, poderá ser visitado os días 24, 25, e 26 de agosto entre as 11.00 e 14.00 horas e entre as 16.00 horas e 20.00 horas. O domingo, día 27, o buque permanecerá pechado ás visitas. O ‘Atalaya’, como buque oficial do Comité Organizador, presidirá a saída da regata, e acollerá a bordo ás autoridades presentes na mesma.

O Patrulleiro de Altura ‘Atalaya’ é unha das unidades principais de vixilancia da Forza de Acción Marítima da Armada. As súas principais misións na actualidade comprenden, entre outras, a vixilancia marítima das costas españolas e da súa Zona Económica Exclusiva, a protección de liñas de tráfico marítimo e de infraestruturas críticas e a contribución ás actividades contra o terrorismo e tráficos ilícitos por vía marítima.