O concelleiro de Planificación Urbana e portavoz do goberno local, José Manuel Lage, e o presidente da Autoridade Portuaria da Coruña, Martín Fernández Prado, apelaron á colaboración para concretar o futuro dos peiraos. “Imos sentar as bases antes de que termine o ano”, asegurou Lage con motivo da inauguración dunha exposición na Autoridade Portuaria. “Un diálogo tranquilo, convencidos de chegar a un acordo de futuro”, apostilou o presidente do organismo portuario.
Noutra orde de cousas, e cuestionado pola Axencia Española de Supervisión da Intelixencia Artificial (Aesia), tras ratificar o Consello de Ministros a sede da Coruña, Lage mostrou “tranquilidade” pese o proceso xudicial iniciado polo Concello de Granada, que tamén aspiraba a ser sede. Ademais, trasladou a “plena confianza” ao Goberno de España pola decisión tomada e os pasos “importantes que se están dando”. Mentres, instou ao presidente da Xunta, Alfonso Rueda, a instar á súa homóloga de partido, en referencia á alcaldesa de Granada, a “non seguir xudicializando” este asunto.
