O cantante e actor panameño Rubén Blades ofrecerá o vindeiro luns, día 28, un concerto no parque de Santa Margarita, na cidade da Coruña. Será xunto a Roberto Delgado Big Band e nunha actuación que forma parte das festas de María Pita e ás que este concerto porá o broche final.
A cita, que pertence ao ciclo Coruña Sounds, tivo que ser aprazada o pasado 20 de xullo como consecuencia de problemas de saúde do artista panameño. A actuación do día 28 será, segundo o consistorio, unha oportunidade para “ver a un dos referentes da música latina” e nunha proposta musical xunto a unha banda composta por 20 músicos.
