Quedaron instaladas, á espera da activación en 2-3 semanas, os traballos de instalación de dúas novas bases do servizo municipal de BiciCoruña, situadas na praza dos Freixos (Barrio das Flores) e no treito da avenida da Lamadosa máis próximo ao CHUAC.
No caso da nova estación da praza dos Freixos, trátase da primeira estación de BiciCoruña que toma forma no Barrio das Flores. Está localizada no illote central de estacionamento próximo ao cruzamento coa rolda Camilo José Cela, moi preto do CEIP María Pita e o Centro de Educación Especial Nosa Señora do Rosario. A colocación da base non supón, en ningún caso, a perda de ocos para estacionar vehículos.
Tamén omezaron os traballos para instalar a nova base de BiciCoruña no treito da avenida da Lamadosa máis próximo ao CHUAC, nas proximidades do cruzamento coa rúa Lugar de Curramontes.
Vaise completando esta fase de expansión con 49 (47 activas) das 55 novas estacións previstas xa instaladas.
A seguinte fase, con fondos Next Generation, incluirán chegar ata as 90 estacións.
