O Ministerio Público pide catro anos de prisión para un ladrón reincidente que roubou un teléfono móbil dunha autoescola na Coruña tras forzar unha xanela e que sentará no banco da Audiencia Provincial da Coruña o vindeiro martes, día 5.

Segundo escrito de acusación, os feitos remóntanse á madrugada do 23 de febreiro deste ano, cando o acusado rubiu por unha estada colocada na fachada do número 97 da Rolda da Muralla e “violentou cun desaparafusador a xanela do primeiro piso”, onde se situaba unha autoescola.

Tras entrar no establecemento, que se atopaba pechado a esas horas, roubou do interior un teléfono móbil e abandonou posteriormente o edificio. O procesado foi detido cando camiñaba pola Rolda do Outeiro, e intervéuselle tanto o móbil como o desaparafusador. Posteriormente, fuxiu dos calabozos do Xulgado de Garda e foi detido de novo o día 18.

O fiscal pide para o home catro anos de prisión como autor dun roubo con forza en establecemento, dada a circunstancia, ademais, de que é reincidente.