O curso político no Concello da Coruña comezou co primeiro pleno ordinario, que se iniciou con 28 minutos de silencio, un por cada caso de violencia de xénero desde a anterior sesión celebrada o pasado 4 de maio.
Segundo datos da Delegación do Goberno contra a violencia de xénero, lembrou a alcaldesa da cidade herculina, Inés Rei, o número de mulleres asasinadas por violencia de xénero en España ascende a 42 no ano 2023 e a 1.226 desde o 1 de xaneiro de 2003, data no que comezan os datos oficiais.
Así mesmo, engadiu, o número de menores asasinados ascende a un en 2023 e a 49 desde o 1 de xaneiro desde 2013, quedando 422 menores orfos desde 2013.
