A XIV edición de Lúas de Outono ofrecerá o vindeiro martes día 19 un espectáculo de música, humor e poesía da man dos actores Quico Cadaval e María Barcala e o dúo musical Paraíso Canto, na Coruña, en honra á obra e figura de Manuel María.
Segundo informou a organización, celebrarase no Teatro Rosalía de Castro a partir das 20,30 horas. A entrada en gratuíta e é necesario reservar billete. Esta homenaxe anual, engade, comezará coa interpretación de María Barcala de versos da obra de Manuel María; continuará coa actuación de Paraíso Canto; e finalizará con Quico Cadaval, quen desenvolverá un espectáculo que mestura narración tradicional, épica escénica e cabaret literario.
Este ano, segundo detalla a organización, tamén será protagonista deste evento cultural a que foi compañeira do escritor durante 45 anos, Saleta, falecida hai un ano.
