O Concello da Coruña, o Colexio de Arquitectos e a Universidade da Coruña (UDC) promoven a Semana da Arquitectura, que incluirá percorridos guiados por espazos públicos, ademais de conmemorar o medio século de existencia da Escola Técnica Superior de Arquitectura da cidade.

Esta proposta comezará este martes coa inauguración, no salón de exposicións do Palacio Municipal de María Pita, da mostra ‘Antonio Tenreiro. Obra arquitectónica e pictórica reunidas’.

Así o informou o concelleiro de Urbanismo, Rehabilitación e Vivenda, Francisco Díaz Galego, que presentou a programación das actividades previstas.

A iniciativa terá lugar entre os días 29 de septiembrey 8 de outubro. Nesta edición, o abanico de propostas inclúe diversas mostras gráficas, así como xornadas e percorridos guiados de carácter divulgativo.