Un condutor dunha ambulancia tivo que ser liberado do interior do vehículo despois de quedar atrapado ao sufrir unha saída de vía cando circulaba polo municipio coruñés de Sada.

Segundo informou o CIAE 112 Galicia, o accidente produciuse ao redor das 04.50 horas deste martes na estrada DP-5813 ao seu paso pola parroquia de Osedo.

Ata alí mobilizáronse efectivos dos bombeiros de Betanzos, que liberaron ao condutor da ambulancia, onde tamén viaxaban técnicos sanitarios que regresaban de trasladar a un paciente.

Non entanto, estes non tiveron que ser trasladados como si ocorreu co condutor do vehículo sanitario, evacuado nunha ambulancia do 061 a un hospital.