Dous nenos, de sete e nove anos, probaron este mércores na Coruña o primeiro exoesqueleto pediátrico do mundo, posto no mercado por unha empresa en cuxo accionariado participa o Centro Superior de Investigacións Científicas (CSIC).
En concreto, os nenos que o probaron son un menor que sofre unha patoloxía afín á parálise cerebral e outro que padece atrofia muscular espiñal (AME). A xornada contou coa presenza de fisioterapeutas e terapeutas ocupacionais de Aspace-A Coruña, GaliciaAme e Amencer-Aspace para recibir formación e ver en funcionamento do exoesqueleto.
O mesmo está dirixido a nenos de entre tres e 14 anos con atrofia muscular espiñal, unha enfermidade dexenerativa que en España afecta a un de cada 10.000 bebés, e tamén está deseñado para determinadas patoloxías relacionadas con parálise cerebral, explican desde Sinapse, onde se presentou.
