Un traballador morreu na mañá deste sábado mentres se atopaba as instalacións dun serradoiro situado no municipio coruñés de Carral.

Diso informou o CIAE 112 Galicia, que tivo constancia do sucedido ás 10.30 horas a través dunha chamada dun compañeiro do falecido.

Ata o lugar mobilizáronse axentes da Policía Local e Garda Civil, membros de Protección Civil e profesionais de Urxencias Sanitarias 061, que só puideron certificar a morte do operario.

Segundo fontes próximas aos feitos, o operario sufriu un desmaio mentres traballaba, polo que apuntan a causas naturais como motivo da morte.