A Garda Civil, en colaboración coa Policía Local, detivo a un mozo e investigou a 14 por unha agresión grupal nas festas de Santa Cruz de Oleiros o pasado 23 de agosto.
Segundo informou o Instituto Armado, os feitos sucederon durante as festas patronais do municipio coruñés, na zona onde estaba instalado o bar. Alí, un grupo dunhas 30 persoas iniciaron unha pelexa “xerando gran alarma social”.
Os axentes abriron unha investigación en relación a este incidente coas declaracións das vítimas e de testemuñas. Deste xeito, estableceron a participación de 15 mozos, o que ocasionou a investigación de 14 dos implicados e a detención dun deles como presuntos autores de tres delitos de lesión.
Os investigados son veciños da Coruña e teñen idades comprendidas entre os 15 e os 19 anos, tres deles menores de idade. Ademais, finalizada a investigación, descartan que se tratase dunha pelexa entre bandas xuvenís.
