Tras unha fin de semana de tregua, volve un tren de borrascas pasar pola comarca. Pero desta entrarán polo Atlántico.
Como vemos na animación, unha fronte está afectando a #Galicia, con ventos e chuvias fortes, sobre todo na provincia de #ACoruña. As precipitacións serán persistentes pola mañá e en forma de chuvascos ocasionais á tarde.
Situación complicada no mar na primeira metade do día⚠️ pic.twitter.com/TS8M8dAyW8
— MeteoGalicia (@MeteoGalicia) October 24, 2023
Asi, Meteogalicia prevé a activación de senllos avisos por fortes ventos e choivas para este martes en boa parte da costa galega. As alertas serán de nivel laranxa por vento no mar para practicamente toda a costa coa única excepción da Mariña lucense, onde será amarela.
Prevense ventos de forza 8 (60 quilómetros por hora) desde as 9,00 da mañá deste martes ata mediodía.
En terra, os refachos provocarán avisos amarelos por superar os 70 e, mesmo, os 80 quilómetros por hora en concellos próximos á costa da Coruña.
A estes avisos haberá que sumar os de nivel amarelo previstos por abundantes precipitacións, de máis de 15 litros por metro cadrado nunha hora en municipios de Costa da Morte, na península do Barbanza, na comarca de Santiago e noutras zonas do interior da Coruña.
Para o mércores, a borrasca quizais non sexa tan activa, pero o tempo continuará sendo desapracible.
