O Festival Mundial da Canción de Intelixencia Artificial celebrarase na Coruña o vindeiro sábado 4 de novembro coa participación dunha decena de países baixo a lema ‘Walking with AI’ (O Camiño da IA). Para o certame, impulsado pola consultora galega Cecubo Group, un xurado de especialistas da industria musical e a IA seleccionou a unha decena de equipos de Alemaña, Canadá, España, Estados Unidos, Galicia, India, Países Baixos, Portugal, Reino Unido e Suecia entre máis dun centenar de propostas recibidas.
“Sensibilizadas polas incertezas que viran ao redor da IA e co obxectivo de concienciar aos participantes e á xente sobre a importancia de pór esta tecnoloxía ao servizo das persoas de maneira ética, responsable e transparente, a organización do concurso desenvolveu un novo sistema de avaliación baseado nestes valores”, indican nun comunicado.
A gala, presentada por Neves Rodríguez, Belén Rivero e Ricardo Saavedra, poderá seguirse en RTVE Play e contará co dez finalistas e o grupo tradicional galego AGHRÚ, o gañador do ano pasado Yaboi Hanoi, o equipo subcampión PAMP! e o electro-pop de Lontreira. Ademais dun premio popular, a novidade deste ano, o gañador total decidirase pola combinación dos puntos do 50% do público e dun 50% do panel de expertos, e anunciarase en directo en Studio Follow.
