A Dirección Xeral de Emerxencias e Interior de Vicepresidencia Primeira da Xunta elevou a alerta vermella polo temporal costeiro que comeza esta tarde a nivel vermello a partir da madrugada no litoral da Coruña.
Segundo a información que recollen da Axencia Estatal de Meteoroloxía (AEMET), o fenómeno meteorolóxico por temporal costeiro provocará desde primeiras horas do madrugado mar combinado de oeste ou de noroeste con ondas de ata nove metros e vento do oeste de forza 8 e localmente forza 9.
Afectará o noroeste e suroeste da costa coruñesa. No resto do litoral, a partir desta tarde e, polo menos, durante toda a xornada de mañá, continuará activa a alerta laranxa por mar combinado de oeste ou do noroeste con ondas de ata oito metros e ventos do oeste ou suroeste de forza 8.
Lembran ademais que desde esta tarde tamén estará activa a alerta laranxa por refachos máximos de ventos de ata 100 km/h en toda a provincia da Coruña; na Mariña, centro e montaña de Lugo; na montaña de Ourense; e no interior de Pontevedra.
No resto de Galicia, o avisto será de nivel amarelo por refachos de vento de ata 90 km/h. Ademais, estará activa a alerta amarela en practicamente toda a comunidade por precipitacións acumuladas de máis de 40 milímetros en 12 horas.
