Está aumentando a impronta do Samaín/Haloween na cidade nos últimos anos. O traballo nas escolas por rescatar o Samaín máis tradicional, e o esforzo do comercio local por aproveitar o truco ou trato máis ianqui, combinan á perfección para que moitos barrios saian á rúa na tarde-noite do 31 de outubro, na previa do día de Defuntos. O de Monte Alto é un dos máis soados, e ademais das familias do barrio, houbou moita xente que se achegou doutras zonas da cidade para comprobalo.
Este ano, ademais a tregua entre borrasca e borrasca permitiu pasar unha tarde cos disfraces impolutos e mesmo sen frío, para encher as cabazas de plástico de “chuches”. Os clásicos esqueletos, as caretas de medo… mesturábanse cos Harry Poters ou coas viuvas que choraban aos seus defuntos con gran elegancia.
Os grupos de whastapp escolares botaban fume durante a mañá para quedar ao comezo da ruta, e poder ir cos amigos de recolleita. O ambiente, entre as 17:00 e as 21:00h nas rúas Hércules e Rúa da Torre era de auténtico entroido, gracias ás dúas rutas que artellaron as Asociacións de Comerciantes. Os Kilomberos de Monte Alto poñían a música para pechar o círculo festexeiro.
O Concello volveu pechar só un anaco a rúa da Torre, pero a moita xente demanda que se pechen as dúas rúas ao completo. De feito, producíronse atascos serios, provocando que mesmo se tivese que estar esperando máis de 20 minutos por unha ambulancia atascada.
View this post on Instagram
