O portavoz do PP no Concello da Coruña, Miguel Lorenzo, denunciou unha “subida de impostos” e “inexecución” do orzamento municipal nunha comparecencia ante os medios de comunicación.

“O goberno municipal ou mente na subida do IBI ou ten que retirar e corrixir o expediente porque sobe máis de loque din”, indicou, asegurando que o aumento, segundo argumentan os populares, afecta a máis impostos.

“No expediente do IBI que aprobaron en Xunta de Goberno e que vai a pleno, o goberno municipal afirma en varios parágrafos que a subida é do 3%, cando é dun 5% porque o tipo impositivo pasa de 0,60 a 0,63”.

“Ou amenten ou teñen que retirar e corrixir este expediente”, reiterou Miguel Lorenzo quen aludiu tamén a unha “inexecución” do orzamento municipal.