A mostra ‘O universo visual de Víctor Moscoso’, impulsada polo Concello da Coruña, chegará a decembro a Nova York, segundo informa o consistorio. A exposición, que se poderá ver na sede do Instituto Cervantes na cidade estadounidense, recolle unha serie de carteis de rock psicodélico creados nos anos 60 por Moscoso, nado en Galicia e criado en América. O Concello da Coruña é actualmente o maior coleccionista de obras deste autor galego, formado na Universidade de Yale e no San Francisco Art Institute.

A mostra, que se exhibiu en abril de 2021 na Fundación Luis Seoane, recolle unha serie de carteis realizados entre os anos 1966 e 1967 polo artista galego, que emigrou sendo pequeno, na década dos 40, coa súa familia a Estados Unidos.