Un condutor caeu este venres á tarde co seu vehículo ao foso dunha obra na Coruña, segundo informou a Europa Press a Policía Local e o 112. Desde o corpo policial, precisaron que o home foi trasladado a un centro sanitario tras caer ao foso dunha obra para facer garaxes. Ocorreu cando circulaba pola rúa Manuel Murguía e a bastante velocidade, apuntaron.
Á súa vez, desde o 112 explicaron que sobre as 15.45 horas aproximadamente recibiron a chamada de varias persoas que alertaban dun accidente moi aparatoso tras chocar un coche contra o peche dunha obra e precipitarse ao foso. Sobre o condutor, indicaron que se lles trasladou que se atopaba aparvado. Ao lugar, desprazáronse efectivos dos bombeiros, de Policía Local e de Protección Civil.
