A Policía Nacional investiga unha agresión con arma branca a un home, que se saldou cun detido o domingo.

Así o ratificaron fontes policiais consultadas por Europa Press que confirmaron que a detención se produciu pouco despois do suceso.

Foi sobre o catro da madrugada á saída do Casino da Coruña, situado nos xardíns de Méndez Núñez. Por motivos que se investigan, o home detido agrediu a outro con arma branca tras unha discusión.

Fontes policiais explicaron que non se prevé que pase este luns a disposición xudicial. “Seguramente mañá”, apuntaron.