Tras ser adiada a semana pasada, había expectación para a VIII Festa Gastronómica da Centola no porto de Lorbé, en Oleiros. Unha cita fundamental para o sector que anima ao consumo destas especies e que tamén serve para homenaxear á frota de artes menores que o captura.
A carpa estaba chea para degustar os manxares (18€ a centola e 12 a ración de mexillóns), pero os asistentes puideron degustar tamén nos restaurantes que participan na festa –Porto de Lorbé, A Escola, Casa Méndez, A Cortiña e A Coviña– ou recollelas xa preparada para levar a casa.
A comitiva institucional lembrou que na campaña 2022-2023 foron comercializados nas lonxas galegas preto de 636.000 quilos deste crustáceo xerando unha facturación de 6 millóns de euros.
