O grupo municipal do BNG no Concello da Coruña trasladou aos socialistas 80 propostas para lograr un acordo sobre os orzamentos de 2024.

Así o explicou o seu portavoz, Francisco Jorquera, en relación ás negociacións co goberno local. Sobre as súas propostas, afirmou que pon o “acento” na rexeneración dos barrios. As negociacións avanzan e oxalá nos próximos días podamos ampliar esta información”, dixo Jorquera, quen incidiu na vontade do BNG de que os orzamentos entren en vigor o 1 de xaneiro.

“Pero o obxectivo prioritario non é telos canto antes, senón que haxa uns bos orzamentos“, manifestou para incidir en que, entre as súas propostas, está reforzar servizos no ámbito social e prestacións municipais e incrementar o investimento “como elemento de dinamización económica e xeración de emprego”.