Unha palmeira diante do colexio Compañía de María; unha diante de Aduanas; dúas na Avda. Metrosidero, preto da Hípica; unha nas Cocheiras de Tranvías, nos Rosais; outra no paseo marítimo a carón do 57Atlántico… A praga do picudo vermello (un pequeno escaravello arrasador con esta especie) está acabando coas palmeiras de toda a cidade.
As últimas, a talada en Panaderas, detrás do Museo de Belas Artes, e dúas no Ventorrilo, na rúa Monasterio de Caaveiro 36 e outra xunto ao parque infantil das Casas de Franco. En breve serán taladas outras tres por Santa Lucía, mentres se atopan en tratamento zonas históricas como o Xardín de Méndez Núñez.
A praga do Rhynchophorus ferrugineus, privinte de Exipto, entrou en Galicia polo sur. Leva xa varios anos arrasando palmeiras da Costa da Morte, ata xa entrar na Laracha hai uns meses.
