Esta madrugada de domingo a luns 27 de novembro, realizouse a instalación da pasarela de Pedralonga, a estrutura da pasarela que une xa Eirís co Alcampo, e que forma parte da entrada á cidade por Alfonso Molina.
#Coruña – En vídeo 📹▶️ el momento en que 2 enormes grúas colocan sobre Alfonso Molina la pasarela peatonal 🚶🏽 de Pedralonga. #Timelapse 🎥 #Obra 🚧 pic.twitter.com/jdzeuJsX1Y
— Eloy TP (@EloyTP) November 27, 2023
A pasarela de Pedralonga é a primeira das tres fases do plan de adecuación e humanización da Avenida de Alfonso Molina (AC-11), que impulsa o Ministerio de Transportes, Mobilidade e Axenda Urbana, e e que conta con 1,6 millóns de euros de investimento.
A pasarela consta de dous tramos metálicos: un central que atravesa a estrada, cunha lonxitude de 52 metros, e outro lateral na rampla sur, cunha lonxitude de 56 metros. Ambos os tramos teñen unha sección transversal de 4,8 metros por 5,2 metros. A estrutura metálica está formada mediante a unión soldada de tubos de aceiro laminado.
Máis novas
